"आमाको गर्भ सुरक्षित हुदा एउटा युग सुरक्षित हुन्छ ।" भन्ने नाराका साथ 'उपाध्यक्ष संग गर्भवती कार्यक्रम' अन्तरगत पोषिलो खाना तथा निशुल्क ग्रामिण अल्ट्रासाउण्ड तथा सामग्री वितरण कार्यक्रम गुराँस गाउँपालिकाका सम्पूर्ण वडामा सम्पन्न भएको छ ।

गुराँस गाउँपालिकाको गरिबि निवारणका लागि लघु उद्यम विकास कार्यक्रम अन्तर्गत पालिकाको वडा नं १ बेडुगाउँ दैलेखमा गत आ.व. को १ महिने बेसिक ढाँका ब्याग बनाउने सिप विकास तालिम प्रदान गरिसकेका उद्यमीहरु लाई पुनः १ महिने रिफ्रेसर कोर्स तालिम र पालिकाको वडा नं २ तल्लोडुङ्गेश्‍वरमा ४५ दिने वल्डिङ्ग सिप विकास तालिम सम्पन्न भएको छ ।

यस गाउँपालिकाका अध्यक्ष र उपाध्यक्ष ज्यू आज जेष्ठ १५ गते गणतन्त्र दिवसको दिन गुराँस गाउँपालिकाका लोपउन्मुख राउटे समुदायसँग भेट गरी उहाँहरुको जीवन र समसामयिक समस्याका बारेमा कुराकानी गर्नुभएको छ ।

गुराँस गाउँपालिकाको आयोजनामा गुराँस-३ स्थित वडा कार्यालय पातिकाल्ना र गुराँस-८ स्थित स्वास्थ्य इकाइ केन्द्र धरमपोखरामा आज शारीरिक अपाङ्गता परिक्षण घुम्ती शिविर सम्पन्न गरीयको छ । उक्त कार्यक्रम अपाङ्ग बाल अस्पताल तथा पुनर्स्थापना केन्द्र बनेपा, काभ्रेपलाञ्चोकको प्राविधिक सहयोग, सेभ द चिल्ड्रेन र सोसेक नेपाल दैलेखको समन्वयमा सम्पन्न भएको छ ।